މޯލްޑިވްސް ސްޕޯޓްސް ކޯޕަރޭޝަން ލިމިޓެޑުން އިސްނަގައިގެން ޚާއްޞަ އެހީއަށް ބޭނުންވާ ފަރާތްތަކަށް ކުޅިވަރު ކުޅުމުގެ ފުރުސަތު ހޯދައިދީ، ދެމެހެއްޓެނެވި ގޮތެއްގައި ކުޅިވަރާއި ކަސްރަތުގައި އެފަދަ ފަރާތްތަކަށް ބައިވެރި ވެވޭނެ ގޮތަށް ”ލެޓްސް ޕްލޭ“ ނަމުގައި ކެމްޕެއިނެއް ވަނީ ފަށާފައެވެ.

މި ކެމްޕެއިންގެ ދަށުން އަޑު އިވުމުގެ ދަތިކަން ހުރި ފަރާތްތަކަށް ޙާއްސަކޮށްގެން ފުޓޮބޯޅަ ޓީމެއް ވަނީ އުފައްދާފައެވެ. ”މޯލްޑިވްސް ޑެފް ފުޓޮބޯލް ކުލަބް“ ގެ ނަމުގައި ޓީމުގެ ޕްރެކްޓިސްތައް ވަނީ 06 އޮކްޓޯބަރ 2017 ގައި ފެށިފައެވެ. މި ގޮތުން މި ޓީމް، މެލޭޝިއާގެ ޑެފް އެސޯސިއޭޝަނާއި ގުޅިގެން އެކުވެރި ކަމުގެ މެޗެއް ކުޅުމަށް ހަމަޖެހިފައިވާތީ، މި މެޗަށް އިތުރު ތަމްތީނު ހޯދުމަށް ޅ.އަތޮޅުގައި 22 އިން 24 މާރިޗު 2018 އަށް ކޭންޕެއް ވަނީ ކުރިއަށް ގޮސްފައެވެ.

މި ކޭންޕް ގެ ތެރެއިން މޯލްޑިވްސް ޑެފް ފުޓޮބޯލް ކުލަބް ވަނީ ޅ.އަތޮޅިގެ އެކި ރައްތަކަށް ގޮސްފައެވެ. އެގޮތުން ޅ.ފެލިވަރު މަސްދަޅު ބަންދު ކުރާ ރާކުހާނާއަށް ގޮސްފައިވެއެވެ. މީގެ އިތުރުން އެއަތޮޅުގައި އޮންނަ ކުރެދު އައިލެންޑް ރިސޯޓް ގައި ކުޑަ ވަގުތުކޮޅެއް ހޭދަ ކޮލުމަށާއި އަލިޓް ފުޓްބޯޅަ ޕްރެކްޓިސް އެއްވަނީ ކުރިއަށް ގެންގޮސްފައެވެ.

މޯލްޑްވް ސްޕޯޓްސް ކޯޕްރޭޝަނާއި ހިންނަވަރު ކައުންސިލާއި ގުޅިގެން ހިންނަވަރުގެ ފުޓްބޯޅަ ޓީމް ”ހިންނަވަރު 11“ އާއި އެކު ރަހުމަތް ތެރިކަމުގެ މެޗެއް ވަނީ ކުޅެފައެވެ. މި މެޗުގައި މޯލްޑިވްސް ޑެފް ޓީމް ވަނީ ރަނގަޅު ކުޅުމެއް ދައްކައި 5 – 3 ވަނީ މޮޅުވެފައެވެ. މި ވެގެންގޮސްފައިވަނީ ހިންނަވަރުގެ ރައްޔިތުންނަށް ވެސް ލިބިގެންގައިވާ އުފަލެއްކަމުގައި ރަށުގެ ރައްޔިތުން ފާހަގަ ކުރައްވާފައިވޭ.

މޯލްޑިވްސް ސްޕޯޓްސް ކޯޕަރަޝްން ގެ މެނޭޖިންގ ޑިރެކްޓަރ ވާހަކަފުޅުގައި ވިދާޅުވެފައިވަނީ ލެޓްސް ޕްލޭ ކެމްޕެއިން ފެށިގެންގޮސްފައިވަނީ މިފަދަ ކުދިންނަށް ހަމަ ހަމަ ގޮތެއްގައި ކުޅިވަރުން ލިބޭ ހިތަމަޖެހުމާއި އޭގެ ސޯޝަލް ބެނިފިޓްސް، އާއި ފިޒިކަލް އަދި މެންޓަލް ބެނެފިޓްސް އެކުދިންނަށް ވެސް ހޯދައިދިނުމުގެ ގޮތުންނެވެ.

މި ތަޖުރިބާ ދަތުރު ގައި މި ޓީމް ވަނީ ނައިފަރު ޖުވަނައިލް ޖަމިއްޔާއިން ހިންގާ އެޓޯލް މެރިން ސެންޓަރ އަށް ވެސް ގޮސްފައެވެ. ޑެފް ޓީމަށް މި ދަތުރުވެގެން ގޮސްފައިވަނީ މުޅިން އާ ތަޖުރިބާ ތަކެއްކުރެވުނު ދަތުރަކަށް  ވެގެންގޮސްފައެވެ.