ހުޅުމާލޭ – މައިލޯ 5 ކޭ 2017 ދުވުން މެއި 20ގައި ހުޅުމާލޭގައި ބާއްވައިފިއެވެ. މިރޭހުގައި 60 އަށްވުރެ ގިނަ އަދަދެއްގެ ޓީމްބައިވެރިވިއެވެ.މީގެތެރޭގައި 14 އަހަރުން ދަށުގެ 11 ޓީމުވެސް ހިމެނެއެވެ. މިދުވުމުގައި ބައިވެރިވި ޓީމްތަކުގެ ތެރެއިން ސީނިއަރ ކެޓަގަރީން 1 ވަނަ ހާސިލްކުރީ ”ކޭއެޗް 1″އެވެ. އަދި ޖީނިއަރ ކެޓަގަރީން އެއްވަނަ ހޯދީ ޓްރެކް އެންޑް ފީލްޑް އެސޯސިއޭޝަންގެ ”ޓީއެފްއޭ ބޯއީސް“ އެވެ. ނޭޝަނަލް ސްޕޯރޓްސް ކައުންސިލްގެ ޗެއަރމަން އަލްފާޟިލް އިބްރާހިމް އިސްމާއިލް ޝަރަފްވެރި ކޮށްދެއްވި މިއިވެންޓްގެ އެންމެ ޙާއްސަ އެއްކަމަކަށ ވެގެންދިއައީ ޙާއްސަ އެހީއަށް ބޭނުންވާ ބޭފުޅުންގެ ޓީމެއް މި ދުވުމުގައި ބައިވެރިވެ ވީލްޗެއަރ ގައި 5 ދުވުންތެރިއެއްގެ އެހީތެރިކަމާއި އެކު 5 ކިލޯމީޓަރ ރޭސް ނިންމާފައިވާކަމެވެ.

މިދުވުމުގެ ޓައިޓަލް ސްޕޮންސަރއަކީ މައިލޯއެވެ. އަދި ފަައިސާގެ އިނާމްތައް ސްޕޮންސަރ ކޮށްދެއްވީ ތިލަފުށި ކޯޕަރޭޝަންގެ ފަރާތުންނެވެ. އިތުރު ސްޕޮންސަރުންގެ ގޮތުގައި މިހަރަކާތައް އެހީތެރިވެދެއްވި އެހެނިހެން ފަރާތްތަކަކީ އެމްޕީއެލް، އައިލެންޑް އޭވިއޭޝަން ސަރވިސަސް ލިމިޓަޑް، ގްލަންޓް އިންވެސްޓްމަންޓް ޕްރައިވެޓް ލިމިޓެޑްއެވެ. ހޯސްޓިންގ ޕާރޓްނަރއަކީ ހައުސިން ޑިވޮލޮޕްމަންޓް ކޯޕަރޭޝަންއެވެ. އަދި މީޑިއާ ޕާރޓްނަރއަކީ ސަން ޟީޑިއާ ގްރޫޕްއެވެ. މިދުވުމުގެ އެންމެހާ ޓެކްނިކަލް ކަންތައްތައް ބަލަހައްޓަވައިދެއްވީ އެތްލެޓިކްސް އެސޯސިއޭޝަން އޮފް މޯލްޑިވްސްގެ ފަރާތުންނެވެ.