މޯލްޑިވްސް ސްޕޯޓްސް ކޯޕަރޭޝަނުން އިންތިޒާމުކޮށްގެން ޖަނަވަރީ 19 އިން 20 އަށް ކުރިއަށް ގެންދިޔަ މައިލްސް ފޯރ ސްމައިލް – 24 ގަޑިއިރުގެ ދުވުމުގެ ސްޕޮންސަރުންނާއި އެހީތެރިންގެ އަގުވަޒަން ކުރުމުގެ ގޮތުން ހަދާނީ ފިލަ އާއި ސެޓްފިކެޓް 14 ފެބްރުއަރީ ވީ އަންގާރަ ދުވަހުގެ ރޭ ބޭއްވުނު ހަފްލާގައި ވަނީ ދެއްވާފައެވެ.

ހަފްލާ ފެށުމުގެ ގޮތުން މައިލްސް ފޯރ ސްމައިލްސްގެ ލީޑް އެތުލީޓްގެ ކުޑަ ވީޑިއޯ ކްލިޕެއް ވަނީ ހަފްލާގެ ބައިވެރިންނަށް ދައްކާލެވިފައެވެ. މި ވީޑިއޯއިން ފެނިގެންގޮސްފައިވަނީ ލީޑް އެތުލީޓް އިބްރާހިމް ސާއިދު އަލީ 24 ގަޑިއިރުގެ ދުވުން ކުރިއަށް ގެންގޮސްފައިވާ ގޮތެވެ.

މި ހަފްލާގައި ރަފީ އެން.ޖީ.އޯއަށް ހަދާނީ ފިލާ ހަވާލުކޮށް މައިލްސް ފޯރ ސްމައިލްގައި ހަރަކާތްތެރިވި ހުރިހާ ވޮލަންޓިއަރުންނަށް ސެޓްފިކެޓް ދެވިފައިވެއެވެ. ރަފީ އެން.ޖީ.އޯގެ އިތުރުން މައިލްސް ފޯރ ސްމައިލްގެ މެއިން ސްޕޮންސަރ، ރެއިޒް ކުރައުން ޕްރައިވެޓް ލިމިޓެޑާއި، އަދި މައިލްސް ފޯރ ސްމައިލްސްގެ އެކި ޕާޓްނަރުނަށް ވަނީ ހަދާނީ ފިލާ ހަވާލު ކުރެވިފައެވެ.

މި ހަފްލާ ނިމިގެން ގޮސްފައިވަނީ މައިލްސް ފޯރ ސްމައިލްސްގެ ލީޑް އެތުލީޓަށް ޚާއްސަ ކުރެވިފައިވާ ހަދާނީ ފިލާ ހަވާލު ކުރުމަށްފަހު މި ހަރަކާތް ކާމިޔާބު ކަމާއި އެކުގައި ނިންމާލުމަށް އެކި ގޮތްގޮތުން އެހީތެރިވެދެއްވި ފަރާތްތަކަށް ޝުކުރު ދެންނެވުމަށްފަހުއެވެ.